Ida Thiele, Rosalie und Rena Ueth, Arthur Kreutzfeld

Wienachtliche Lesung op Nordstrand

„De Kröger vertellt“ is all en lüttje Book mit Döntjes un Riemels, dat en in de Mööl op Nordstrand köpen kann. Avers veel beter is doch, dat richti to hören to kregen.

Un sodenni het sik Arthur Kreutzfeld dacht, dat he un noch velicht en anner mol wedder en schön Nomiddach bi sik in’t Café vun de Engel-Mööl bestriden kunn. Mit Kaffee un Koken, versteit sik vun sülben, un dat nich too knapp. Man för Nordstrander Verhältnisse is ja wull en Stück Sahnetort un ein brede Striemel Marzipanstreifen licht to verdrücken un so keem dat denn ok.

He keem denn op Rena Ueth ut Husum, de letztet Joor op de Insel bi en Schrievwerstatt mitmokt har. Se het nu all en por lustige Stücke utdacht, de se ok geern mol vörlesen much, dat de Lüüt wat to’n Lachen hebbm. Dorto het se denn ok noch wat vun Henning Mankell över de Schweden in de Tropen funn, wat de anstelln möten, um en echten Dannenboom rantokregen, denn för de hört dat enfach dorto un sons is keen richti Wienachten. Un  twee Döntjes ut „Stänkelfeld“ wern ok noch dorbi. Mang de Vertelleri und Vörleseri speelt denn er Dochter Rosalie (16) un de er Fründin Ida Thiele ut Flensborg op de Gitarr en por richtig gode Leeders von de Renaissance, dat hört sik an as Greenleaves, un Pop- Musik bit to en ganz verdreite  dredeelige Stück, dat Wicked Witches het un von de se de letzte deel tosomen op en Gitarr speelt. Dat hör sik gor nich schlecht an un dat Publikum, meest öllere Lüt, loten sik dat geern gefallen.

Ok Arthur Kreutzfeld sülm geev sich ordentli Möh un har gode Texte vördrägen. Man bi son besinnliche un en beten trurige Gedich vun Storm schull he sik man anner Mol lever beten mehr Tied laten un dor nich so dörjachtern.

Allns in allm weer dat en fine Nomiddag ween un het Spoos mokt.

Andrea Clausen

Real time web analytics, Heat map tracking

Dorle Obländer

Zum Seitenanfang